Татарстан Республикасы Милли китапханәсендә инглиз теле буенча бушлай мастер-класслар узачак

Фото: Денис Гордийко 

(Казан шәһәре KZN.RU, 13 нче декабрь). Декабрь аенда Татарстанның Милли китапханәсендә инглиз теле буенча бушлай мастер-класслар узачак. «Карарларны ничек тиз һәм эффектив кабул итәргә?» дигән дәресләр 18 нче декабрьдә 16:00 сәгатьтә башлана. Анда тема буенча лексика турында фикер алышачаклар һәм кейсларны анализлаячаклар. Катнашучыларны әлеге телдә сөйләшүче белән сөйләм практикасы да көтә. 

Бәйрәмнәр һәм бүләкләр темасына багышланган мастер-класс 25 нче декабрьдә узачак. Укучылар яңа лексика һәм сүзтезмәләр өйрәнәчәк, дискуссияләрдә һәм интерактивларда катнашачак, шулай ук яңа ел фаразлары белән танышачак. Мастер-класс 16:00 сәгатьтә башлана. 

Очрашулар Пушкин ур., 86 адресы буенча узачак. Катнашу өчен сылтама буенча теркәлергә кирәк, дип хәбәр итә ТР Милли китапханәсе матбугат хезмәте.