Бүген ТР Милли музеенда Әниләр көненә багышланган бәйрәм чаралары узачак

(Казан шәһәре KZN.RU, 26 нчы ноябрь). Бүген ТР Милли музее «Әнигә бүләккә – музей!» бәйрәм программасын оештыра. Әниләр көне уңаеннан 18 яшькә кадәрге балалары булган хатын-кызлар учреждениегә һәм аның филиалларына бушлай керә ала.

11:00 сәгатьтә «Чын бәхетнең күрсәткече буларак әни белән мөнәсәбәтләр» лекциясе башлана. Спикер булып психолог Елена Перова чыгыш ясаячак. Катнашу өчен сылтама буенча теркәлергә кирәк.

12:00 сәгатьтә кунаклар өчен классик инструменталь музыка концерты башлана. Тамашачылар алдында Н.Җиһанов исемендәге Казан дәүләт консерваториясенең урта махсус музыка мәктәбе укучылары – Ольга Маковская классы чыгыш ясаячак, дип хәбәр итә ТР Милли музееның матбугат хезмәте.