Кече Зәңгәр күлдә туристлар һәм казанлылар өчен гидрологик экскурсия уздырачаклар

Кече Зәңгәр күлдә 25 августта гидрологик экскурсия булачак.

Танып-белү сәфәрен биология фәннәре кандидаты, Казан федераль университетының гомуми экология кафедрасы доценты Вадим Прохоров үткәрәчәк. Спикер тыюлык урынындагы хайваннар һәм үсемлекләр турында сөйләячәк.

Чара 11:00 сәгатьтә башлана. Теркәлү сылтама буенча.

Исегезгә төшерәбез, август дәвамында Зәңгәр күлләрдә экологик чаралар уздырыла, алар туристларга һәм казанлыларга территориядә ял итүнең альтернатив сценарийлары турында белү мөмкинлеге бирә.

Чараларны оештыручылар: «Казансу үсеше стратегиясе» проекты командасы, ТР шәһәрләрен үстерү институты, Казанның табигый территорияләр буенча дирекциясе һәм парклар һәм скверлар дирекциясе.