Рус-Немец Швейцариясендә хайкинг-экскурсия: тирә-якны чүп-чардан чистарту һәм кояш баешын каршы алу

Ике сәгатьлек экскурсия 10 нчы июньдә узачак, теләге булган һәркем катнаша ала.

Фото: Марат Мөгыйнов

(Казан шәһәре KZN.RU, 8 нче июнь). 10 нчы июньдә Казанда Рус-Немец Швейцариясендә хайкинг-экскурсия узачак. Ике сәгатьлек экскурсия барышында активистлар тирә-якны чүп-чардан чистартачак һәм матур күзәтү ноктасында кояш баешын каршылаячак.

Сәяхәт маршруты «Казансу үсеше стратегиясе» проекты кысаларында булачак паркларның берсе – уникаль тыюлык территориясе калкулыклары буенча уза.

Оештыручылар экскурсиягә уңайлы табанлы кроссовкаларда килергә киңәш итә. Үзең белән су, чүп-чар җыю өчен пакет һәм трекинг таяклары алу сорала.

Чара 18:00 сәгатьтә башлана. Акциядә катнашырга теләүчеләрне Казанның Николай Ершов урамы, 29б адресы буенча урнашкан бизнес-үзәкләрнең берсендә көтәчәкләр, дип хәбәр ителә Казансуның үсеш стратегиясе Telegram-каналында.

Шулай ук укыгыз

Барлык вакыйгалар