Казанлылар парклар һәм скверлар буйлап оештырылган бушлай җәяүлеләр экскурсияләренә кушыла ала

Чара кысаларында иҗтимагый киңлекләрнең тарихы һәм алар турында кызыклы фактлар белән танышып булачак.

(Казан шәһәре KZN.RU, 16-нчы июнь). Казанда парклар һәм скверлар буенча бушлай җәяүлеләр экскурсияләре оештырыла. Шәһәр халкы һәм Татарстан башкаласы кунаклары гидлар белән бергә матур почмакларда йөри, иҗтимагый киңлекләрнең тарихын һәм алар турында кызыклы фактлар белән танышачаклар.

17-нче июньдә 19.00 сәгатьтә гид һәм экскурсовод Лилия Кәлимуллина кунакларны Лядской бакчасы һәм аның янындагы территория буенча уздырачак.

18-нче июньдә 19.00 сәгатьтә парк архитекторы Анастасия Еременко һәм эколог Инга Петровадан «Горки-Әмәт урманы: архитектура һәм экология» программасы планлаштырылган.

19-нчы июньдә 19.00 сәгатьтә тарихчы һәм туган якны өйрәнүче Айрат Фәйзрахманов Кабан күле һәм Иске Татар бистәсе яр буе тарихы турында сөйләячәк.

20-нче июньдә 10.00 сәгатьтә Казанның баш архитекторы урынбасары Дарья Толовенкова Горький исемендәге парк һәм Рус-Немец Швейцариясе буйлап экскурсия үткәрәчәк.

21-нче июньдә 10.00 сәгатьтә гид һәм экскурсовод Наталья Урейская казанлыларны һәм шәһәр кунакларын «Крылья Советов» паркы һәм Соцгородка барырга чакыра.

Катнашу өчен сылтама буенча теркәлергә кирәк, дип хәбәр итә Парклар һәм скверлар дирекциясе. Экскурсия төркемендә катнашучыларның саны 10 кешедән дә артмаска тиеш. Экскурсияләргә шулай ук онлайн кушылырга мөмкин - Казан парклары һәм скверлары дирекциясенең Instagram-аккаунтларында, Кабан күле яры һәм Горки-Әмәт урманының туры эфирлары ярдәмендә.

Шулай ук укыгыз

Барлык вакыйгалар