Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
10.02.2021, 17:51

Казан шәһәр Думасы депутатлары Дубравная һәм Академия сайлау округларында яшәүчеләр белән очрашулар уздырды

Алар башкарылган эшләр турында хисап тотты һәм киләчәккә планнары белән уртаклашты.

Фото: Казан шәһәре KZN.RU

(Казан шәһәре KZN.RU, 10-нчы февраль). Кичә Казан шәһәр Думасы депутатлары Дубравная һәм Академия сайлау округлары вәкилләре белән очрашты. Алар башкарылган эшләр турында хисап тотты, шулай ук киләчәккә планнары белән уртаклашты.

Дубравная округында яшәүчеләр белән очрашу Рихард Зорге, 71 урамындагы 2-нче номерлы гимназиядә узды. Хисап ясауда Вахитов һәм Идел буе районнары администрациясе башлыгы урынбасары Ринас Сабиров, Казан шәһәр Думасы депутатлары Адель Хәйруллин һәм Сергей Виноградов чыгыш ясады, шулай ук очрашуда ТР Дәүләт Советы депутаты Игорь Бикеев катнашты.

Депутатлар шәһәр халкына 2020 елда Дубравная округында, йортларны капиталь ремонтлау кысаларында, 17 йортта лифтлар алмаштырылганлыгын искәртте. Моннан тыш, Рихард Зорге урамындагы 67-нче номерлы йортта комплекслы капиталь ремонт ясалган, канализация, җылылык, су белән тәэмин итү системаларын, электриканы алыштырганнар, шулай ук түбә һәм подъездларны ремонтлаганнар. Быел округта 7 йортка капиталь ремонт ясау планлаштырыла.

«Безнең ишегалды» программасы буенча Дубравная округында 4 ишегалды территориясе төзекләндерелгән, шуларның иң зурысы – мәйданы 7,65 мең кв.м. тәшкил иткән 81, 83, 85, 87-нче номерлы йортларның ишегалды.

2021 елга капиталь ремонт программасына сайлау округындагы якынча 14 ишегалды кертелгән, квартал эчендәге юлларны һәм ишегалды территорияләрен капиталь ремонтлау планлаштырыла, дип хәбәр итте спикерлар.

Шулай ук кичә Габдулла Кариев исемендәге Яшь тамашачы театрында Казан шәһәре Думасы депутатлары Академия сайлау округы халкы белән очрашты. Анда Вахитов һәм Идел буе районнары администрациясе башлыгы урынбасары Ольга Дроздецкая, Казан шәһәр Думасы депутатлары Гүзәл Сәгыйтова һәм Ләйлә Гарифуллина, Гадәттән тыш хәлләр министрлыгының Вахитов районы буенча күзәтчелек эшчәнлеге һәм профилактик эш бүлеге башлыгы урынбасары Камил Нургалиев һәм башкалар катнашты.

Академия сайлау округында узган елда 5 күпфатирлы йортка капиталь ремонт ясалган, аларда канализация, җылылык, су белән тәэмин итү системаларын, электрикларны алыштыру, шулай ук түбә һәм фасадны ремонтлау эшләре алып барылган. 7 йортта торак фондына өлешчә ремонт ясалды, дип искә төшерде чыгыш ясаучылар. 2021 елга планнарда – округтагы 6 йортка капиталь ремонт ясау.

Моннан тыш, депутатлар юлларны төзекләндерү турында хәбәр иттеләр. 2020 елда Подгорная урамындагы «Казан тимер юл узелы бакчасы» коммерцияле булмаган бакчачылык ширкәтенә бару юлы ремонтланган. Шулай ук бу бистәдә агымдагы елда тагын 3 объектны ремонтларга планлаштыралар: 1 нче Газон, Братская, Маршал урамнарын.

«Безнең ишегалды» программасы буенча Академия округында 10 ишегалды территориясе төзекләндерелгән, ремонт мәйданы 20 мең кв.м. тәшкил иткән. Алдан, агымдагы ел программасына округның 11 ишегалды керде, квартал эчендәге юлларны һәм ишегалды территорияләрен капиталь ремонтлау, балалар мәйданчыклары урнаштыру планлаштырыла.

Барлык яңалыклар